जनकपुरधाम, भदाै १३ गते । लोकतान्त्रिक समाजवादी पार्टी (लाेसपा) नेपालले नगरसभाकाे माग गर्दै धनुषाकाे नगराईन नगरपालिका घेराउ गरेका छन ।
नगर कमिटी लाेसपाले पुर्व निर्धारित आन्दोलनको कार्यक्रम अनुसार साेमवार नगरसभाकाे माग गर्दै नगरपालिका घेराउ गरेका हुन ।
लाेसपा नेता राजु चाैधरीले असार १० गते भित्रै गर्नुपर्ने नगरसभा दुई महिना बितिसक्दा पनि नगर्दा नगरकाे विकासकाे कामहरू अवरूद्घ रहेकाेले बाध्य भएर नगरपालिका घेराउ गर्नु परेकाे बताए ।
उनले भने हामीले बारम्बार ध्यानाकर्षण र ज्ञापनपत्र बुझाएर ताकेता गर्दापनि नगर प्रमुख विनय कुमार यादव सहितका पदाधिकारीले कुनै चासाे नलिएपछि आज सांकेतिक रूपमा नगरपालिका घेराउ गरेका छाै । यदि एक साता भित्र नगरसभा नगरिए नगरपालिका सहित वडाहरूमा तालाबन्दी गर्नेछाै ।
उता नगर प्रमुख यादवले आफू अल्पमतमा रहेकाे कारण नगरसभामा ढिलाई भएकाे बताए । उनले भने कार्यपालिका बाेर्डमा हाम्राे कांग्रेस पार्टी अल्पमतमा रहेकाे कारण बहुमत दल भएका एमाले गर्न दिई रहेकाे छैन । हुनत नगरसभाका लागि दुई/तीन पटक बैठक बाेलाएपनि उपप्रमुख राधादेवी यादव सहितका एमाले आबद् बाेर्ड सदस्यहरू उपस्थित भएन ।
तर अब चांडै नै बहुमत हाेस वा नहाेस लाेसपाकै सहमतिमा एउटा मिति निर्धारण नगरसभा गर्नेछु । नगराईन नगरपालिकामा उपमेयर राधादेवी यादव सहित एमालेका बाेर्ड सदस्य छन भने मेयर सहित कांग्रेसका सदस्य छन ।
यसअघि असार मसान्तमा एमालेका बाेर्ड सदस्य तथा कार्यकर्ताहरूले आफ्नाे याेजना थाति राखेर पुरानाे मितिमा मेयरले याेजना वितरण गरिरहेकाे आराेप लगाउंदै दर्ता चलानी रजिष्टर नियन्त्रणमा लिई प्रमुख प्रशासकीय अधिकृत ओमप्रकाश महताेसंग हाेल्ला गर्दै विवाद समेत गरेका थिए ।
यो विषयमा आफ्नो प्रतिक्रिया दिनुहोस् !