विराटनगर । मोरङ प्रहरीले आफ्नै आमाको हत्या आरोपमा एक व्यक्तिलाई पक्राउ गरेको छ ।
जिल्ला प्रहरी कार्यालय मोरङका अनुसार पक्राउ पर्नेमा पथरी शनिश्चरे नगरपालिका २ का ४८ बर्षीय कमल श्रेष्ठ रहेको छ ।
श्रेष्ठलाई जग्गा विवादका कारण आफ्नी आमा ९० बर्षीया आमा जगमाया श्रेष्ठको हत्या आरोपमा प्रहरीले पक्राउ गरेको हो । गएको माघ १२ गते देखी घरैबाट एक्कासी हराएकी भनिएकी बृद्धाको हत्या पछि जलाएको भन्ने सूचनाको आधारमा अनुसन्धान गर्दै जाँदा ईलाका प्रहरी कार्यालय पथरीको प्रहरी टोलीले सोमवार श्रेष्ठलाई पक्राउ गरेको जिप्रका मोरङले जनाएको छ ।
पक्राउ परेका श्रेष्ठले बुबाको नाममा रहेको १५ कट्ठा ९ धुर जग्गा आमा तथा अन्य भाईहरुलाई समेत थाहा नै नदिई आफ्नो श्रींमतीको नाममा बनाएको र उक्त कुरा आमा लगायत अन्य भाईहरुलाई जानकारी भएपछि अदालतमा मुद्दा हालेका थिए ।
सो मुद्दामा अदालतले उक्त जग्गा मध्ये ५ कठ्ठा जग्गा आमाको नाममा रहने गरी फैसला गरेपछि रिशको आवेगमा आमाको हत्या गरेको प्रारम्भिक अनुसन्धानबाट खुल्न आएको घटना सम्बन्धमा प्रहरीले थप अनुसन्धान गरिरहेको जनाइएको छ ।
यो विषयमा आफ्नो प्रतिक्रिया दिनुहोस् !