लोक समाचारदाता
लहान, पुस १२ गते ।
सिरहा सशस्त्र प्रहरीले ठूलो परिमाणमा प्रतिबन्धित लागु औषधसहित जिल्लाको बरियारपट्टीबाट एक युवकलाई पक्राउ गरेको छ ।
सशस्त्र प्रहरी वेश क्याम्प बरियारपट्टीबाट खटिएको गस्ती टोलीले शनिवार बिहान स १० प ७१५३ नम्बरको मोटरसाकललाई चेकजाँच गर्दा भारतीय बजारतर्फबाट ल्याउँदै गरेको ठूलो परिमाणमा लागुऔषधसहित सिरहाको लहान नगरपालिका ११ निवासी २६ वर्षीय उदय नारायण चौधरीलाई पक्राउ गरेको हो ।
पक्राउ परेका चौधरीको साथबाट लागुऔषध फेनारगन २ सय ५४ पिस, डाइजील्याप २ सय ५५ पिस र नोफिन २ सय ५२ पिस बरामद् भएको सशस्त्र प्रहरी वेश क्याम्प बरियारपट्टीका सशस्त्र प्रहरी निरीक्षक कुमार तिम्लिसिनाले जानकारी दिएका छन् ।
शुक्रबार साँझ पनि सिरहा प्रहरीले प्रतिबन्धित लागुऔषध सहित जिल्लाको नरहा गाउँपालिका ४ निवासी २६ वर्षीय मोहमद एमामुदिन र सिरहा नगरपालिका ४ रमौल निवासी १९ वर्षीय मोहमद रहिमलाई पक्राउ गरेको थियो ।
यो विषयमा आफ्नो प्रतिक्रिया दिनुहोस् !