जनकपुरधाम, जेठ १६ गते । जनकपुरधाम उपमहानगरपालिकाका वडा नम्बर ५ मा
वडा सदस्यहरूले वडा कार्यालयमा गरेकाे तालाबन्दीका कारण पाेलियाेविरूद्ध आइपीभी खाेप प्रभावित भएकाे छ ।
वडाध्यक्ष बेचन साहले अनियमितता गरेकाे भन्दै वडा सदस्यहरूले पछिल्लाे सातादेखि वडा कार्यालयमा तालाबन्दी गरेका हुन् । साे तालाबन्लीले सम्पूर्ण सेवा प्रभावित भएकाले सेवाग्राहीलाई सास्ती खेप्नु परिरहेको वडाध्यक्ष साहले बताए ।
उनले भने ‘वडा सदस्यहरुले वडाका कामलाई प्रभावित हुने गरी तालाबन्दी गरे, यसले गर्दा विकास निर्माणका काम मात्रै प्रभावित भएको छैन, बच्चाहरुलाई खोप लगाउन सकिएको छैन, खोप अभियानका लागि ल्याइएका औषधी समेत बिग्रीरहेको छ ।’
वडा सदस्यहरुले वडाध्यक्ष साहले मनोमानी रुपमा वडा चलाएको, महिनौ देखि वडामा ताला लगाएर राखेकाे, सिलाई कटाई तालिम र ज्येष्ट नागरिक सम्मानमा अनियमितता गरेकाे उनीहरूका आराेप छ ।
उनीहरूकाे आराेप बारे वडामा कुनै किसिमको अनियमितता नभएको दावी गर्दै वडाध्यक्ष साहले भने ‘ आफुलाई बदनाम गर्न जति षडयन्त्र गरिएपनि वडामा भ्रष्टाचार वा अनियमितता हुन नदिन हरसम्भव प्रयास गर्ने दावी गरे ।
वडा सदस्यहरुकाे आराेप बारे वडाध्यक्ष साहले भने नगर प्रमुख, उपप्रमुख र तथा वडावासी लगायतकाे रोहवरमा वडाका सबै कार्यक्रम संचालन भएकाे छ । जहांसम्म ज्येष्ठ नागरिकहरुकाे सम्मानमा कम्बल र हर्लिक्ससहित सामाग्री वितरण गरिएको र वितरण हुन नसकेका केही सामान कार्यालयमै सुरक्षित रहेकाे दावी गरे ।
त्यस्तै वडाका दर्जनौँ महिलाले सिलाई कटाईको तालिम लिएको र त्यसमा आफूमाथी आरोप लगाउने वडा सदस्यहरुकाे पारिवारिक सदस्यहरूले समेत तालिम लिएको उनको भनाई थियो ।
वडा नम्बर ५ का वडा सचिव महेन्द्र यादवले समेत कम्बल वितरण कार्यक्रम वडावासी तथा नगर उपप्रमुखको रोहबरमा गरिएको र यसमा कुनै किसिमको अनियमितता नभएको स्पष्ट पारे । उनले तालाबन्दीका कारण वडाका काम प्रभावित हुनुका साथै सेवाग्राहीलाई रित्तो हात घर फर्किन परिरहेको बताए ।
यो विषयमा आफ्नो प्रतिक्रिया दिनुहोस् !