जनकपुरधाम, पुस २७ गते । बजाज कम्पनी पल्सर मोटरसाइकल माइलेज बारे सर्वसाधारणमा जानकारी गराउने उद्देश्यले जनकपुरधाममा बजाज माइलेज चैम्पियन्स प्रतियोगिता आयोजना गर्ने भएको छ ।
जनकपुरधाम मुजेलिया स्थित बजाज कम्पनी मोटरसाइकलका अधिकृत विक्रेता ओम अटो मोबाइल्सले पुस २८ गते शनिवारका दिन जनकपुरधामको बारह विघा (रंगभूमि) मैदानमा सो माइलेज प्रतियोगिता आयोजना गर्न लागेको हो ।
बिहान १० बजेदेखि हुने दिउंसो ३ बजेसम्म सो प्रतियोगितामा १ सयभन्दा बढी प्रतियोगीहरुले भाग लिने ओम अटोमोबाइल्सका संचालक संतोषकुमार साहले शुक्रवार एक पत्रकार सम्मेलन आयोजना गरी जानकारी दिएका छन ।
प्रतियोगितामा जो कोही पनि व्यक्ति भाग लिने सक्नेछ र भाग लिने प्रतियोगीहरुलाई ओम अटोमोबाइल्सले पल्सर १२५ सिसिको मोटरसाइकल एकसय एमएल पेट्रोल उपलब्ध गराउनेछ । सो एकसय एमएल पेट्रोलमा सबभन्दा बढी माइलेज दिने प्रतियोगीलाई पुरस्कृत गरिने साहले बताए । उनले यो प्रतियोगिता बजाज कम्पनीको माइलेज नाप्ने प्रबिधिबाटै विजेताको निक्र्यौलय लगाइने बताए ।
उनले भने सहभागी मध्ये प्रथम, द्वितीय र तृतिय गरी ३ जना विजयी प्रतियोगीलाई नगद पुरस्कार सहित ट्रफी बजाज कम्पनीको नेपाल अधिकारिक विक्रेता हंसराज हुलासचन्द ग्रुपद्वारा पुरस्कृत गरिनेछ । पेट्रोलियम पदार्थको मूल्य आकाशिदै गईरहेको अवस्थामा यस प्रकारको प्रतियोगिताले बजाजका पल्सर मोटरसाइकलप्रति प्रयोगकर्तामा विश्वास बढ्ने उनले बताए । जनकपुरधामस्थित बजाज कम्पनीको अधिकृत विक्रेता गत दुई वर्षदेखि यसप्रकारको प्रतियोगिता आयोजना गर्दै आएको छ ।
पछिल्लो वर्ष बजाज कम्पनीको डिस्कवर मोटरसाइकलको माइलेज चेक गर्न प्रतियोगिताको आयोजना गरेको थियो भने यसवर्ष पल्सर १२५ सिसिको माइलेज बारे मोटरसाइकल प्रयोगकर्ताहरुमा जानकारी गराउन प्रतियोगिता आयोजना गर्न लागेको हो । सो पत्रकार सम्मेलनमा हँन्सराज हुलासचन्दका मार्केटिङ्ग र सेल्स अफिसर क्रमश राजेश पोखरेल र जोशन विष्टको उपस्थिती थियो ।
यो विषयमा आफ्नो प्रतिक्रिया दिनुहोस् !