जनकपुरधाम, भदाै १८ गते । मधेस प्रदेशका मुख्य न्यायाधिवक्ता दीपेन्द्र झाले आगामी मंसिर ४ गते हुने निर्वाचनमन उम्मेद्वार बन्न पदबाट राजीनामा दिएका छन् ।
उनले शनिवार मुख्यमन्त्री लालबाबु राउतलाई राजीनामा पत्र बुझाएका छन । महाेतरीकाे क्षेत्र नं. ३ बाट प्रतिनिधि सभामा चुनाव लड्न उनी राजीनामा दिएका हुन ।
तात्कालिन राजपा काेटाबाट मुख्य न्यायाधिवक्तामा नियुक्त भएका झा आज नै जनता समाजवादी पार्टीमा प्रवेश गर्ने बुझिएकाे छ । जसपाका अध्यक्ष उपेन्द्र यादवले झालाई पार्टी प्रवेश गराउने कार्यक्रम रहेकाे जनाइएकाे छ ।
झाले चुनाव लड्ने तयारी गरेका महाेतरी क्षेत्र नं. ३ का वर्तमान सांसद लाेसपाका अध्यक्ष महन्थ ठाकुर रहेका छन र आउंदाे निर्वाचनमा पनि ठाकुर साे क्षेत्रबाट चुनाव लड्ने छन ।
ठाकुरजी पनि साे क्षेत्रबाट चुनाव लडदैछन भन्ने जिज्ञासा झाले भने अहिलेसम्म त चुनावकाे तयारीमा छु अब हेर्नुस पछि के हुन्छ ।
मुख्य न्यायाधिवक्ता रहँदा झाले प्रदेशकाे संवैधानिक अधिकारका लागि संघीय सरकारसित निरन्तर कानुनी लडाइँ गर्दै आएका थिए । उनकै सक्रियतामा मधेस सरकारले संघीय सरकारविरुद्ध सर्वोच्च अदालतमा ८ वटा मुद्दा दर्ता गराएको थियो ।
यो विषयमा आफ्नो प्रतिक्रिया दिनुहोस् !