विराटनगर, असोज १२ गते । प्रदेश १ मा विराटनगर महानगरपालिकाले कक्षा ११ को कोरोना भाइरसको त्रासको समयमा परीक्षा लिने गरेको निर्णय विरुद्ध विद्यार्थीहरुले विरोध जनाएका छन ।
हाल प्रदेश १ को विराटनगर कोराना भाइरसको हटस्पट रहेको अवस्थामा कक्षा ११ को परीक्षा लिने कार्य जोखिम बाहेक अरु केही नहुन सक्ने भन्दै विद्यार्थीहरुले विरोध जनाएका हुन ।
निजी उच्च माध्यमिक विद्यालय सञ्चालकहरुको दबावमा विराटनगर महानगरपालिकाले असोज २५ गतेदेखि भदौ ३ गतेसम्म परीक्षा सञ्चालन गर्ने तालिका समेत सार्वजनिक समेत गरेको आरोप लाग्न थालेको छ । कोरोना महामारीका कारण अभिभावकलाई खान लाउनै समस्या भएको अवस्थामा दशैंको मुखमा रकम असुल्न निजी विद्यालयको यस्तो निर्णय गरिएको भनिदै आएको छ ।
सोमबार विद्यार्थीले विरेध प्रदर्शन गर्दै विराटनगर महानगरपालिकाको कार्यालय अगाडि घेराउ गरेका छन् । विराटनगरमा कक्षा ११–१२ पढाइ हुने ३७ वटा विद्यालय छन् । जसमा २६ वटा निजी स्तरका छन् । ती विद्यायलमा प्रदेश १ र २ का करिब ८ हजार विद्यार्थी छन् ।
कोरोना हटस्पटमा एक्कासी ८ हजार विद्यार्थी भेला हुँदा संक्रमण गाउँगाउँ पुग्ने विद्यार्थीहरुको तर्क छ । ‘कोरोनाले खाना लउनै समस्या छ,’ देवकोटा भने, ‘यस्तो महामारीको समयमा शूल्क तिर्न नसकेर परीक्षामा कुनै विद्यार्थी सहभागी हुन नपाए त्यसले आत्महत्या गर्याे भने त्यसको जिम्मेवारी कसले लिने अभिभावकहरुको भनाई छ ।
उच्च माध्यमिक विद्यालय सञ्चालकहरुको संगठन हिसान मोरङका अध्यक्ष राजेश कार्की शुल्क असुल्न परीक्षा संचालन गर्ने निर्णय गरिएको स्वीकार्दै भने दशैंको बेला शिक्षकहरुलाई तलब खुवाउन विद्यालयलाई विद्यार्थीबाटै रकम असुल्न बाध्यता रहेकोले परीक्षा लिने निर्णय गरिएको बताए ।
उनले सुरक्षा सतर्कतासहित परीक्षा सञ्चालन गर्ने भन्दै परीक्षामा सहभागी हुँदैमा कोरोना सर्छ भन्ने छैन्, डब्ल्यूएचओले पनि १८–२० वर्षका युवालाई कम जोखिमको सूचीमा राखेको बताए ।
राष्ट्रिय परीक्षा बोर्डले कक्षा ११ को परीक्षा विद्यालयले नै सञ्चालन गर्ने गरी निर्देशिका जारी गरेको छ । विराटनगर बाहेक अन्य स्थानीय तहले परीक्षा सञ्चालनका लागि सूचना निकालेका छैनन् । विराटनगरमा अहिलेसमम्म दुई हजार १ सय ८६ जनामा संक्रमण पुष्टि भइसकेको छ भने कोरोनाकै कारण २३ जनाले ज्यान गुमाइसकेको छ ।
यो विषयमा आफ्नो प्रतिक्रिया दिनुहोस् !