विराटनगर, साउन १७ गते । शनिवारदेखि विराटनगर महानगरपालिकामा १४ दिनका लागि लकडाउन गरिएको छ ।
विराटनगर महानगरपालिका स्तरीय कोरोना संकट व्यवस्थापन समितिको शुक्रबारको बैठकले समुदायमा कोरोना फैलिएको निष्कर्ष निकाल्दै नगरक्षेत्रमा थप संक्रमण फैलिन नदिन साउन १६ राति १२ बजेदेखि ३० गते राति १२ बजेसम्म लकडाउनको निर्णय गरेको हो ।
मेयर भीम पराजुलीले समुदायमै कोरोना भाइरसको संक्रमित देखिएपछि लकडाउन सुरु गरिएको बताए । लकडाउनमा अत्यावश्यक सेवा बाहेक सबै सेवा बन्द गरिएपछि शनिबार बिहानैदेखि विराटनगर सुनसान देखिएको छ । चार दिनअघिदेखि वीरगञ्ज महानगरपालिकाले पनि नगर क्षेत्रमा अनिश्चितकालिन निषेधाज्ञा जारी गरेको थियो ।
पछिल्लो समय भारतसँग सीमा जोडिएका तराईका ठूला शहरमा कोरोना संक्रमण तीब्र बन्दै गएको छ । संक्रमणसँगै मृत्युदर पनि बढेको छ । साउन महिनामा मात्रै पर्सामा कारोना संक्रमणबाट ९ जनाको मृत्यु भइसकेको छ ।
यो विषयमा आफ्नो प्रतिक्रिया दिनुहोस् !