इटहरी, जेठ २० गते । सुनसरीको इटहरीमा सामान्य विवादमा केही युवाहरुको समूहले आफ्नै साथीका हत्या गरेका छन ।
साथीहरुबीच जिस्कने विवादमा इटहरी उपमहानगरपालिका २० तरहराका २८ वर्षका रादन राईलाई उनकै साथीहरुले कुटपिट गरी हत्या गरेका छन ।
प्रहरीका अनुसार हत्यामा संलग्नको आरोपमा तीन जनालाई पक्राउ गरिएको छ । पक्राउ पर्नेहरुमा मोरङको कानेपोखरी गाउँपालिका– ५ जहदा घर भइ तरहरा बस्दै आएका प्रज्वल तामाङ, तरहराकै अभिषेक पौडेल र अभिषेक केसी रहेका छन् ।
आइटवार घटनाको सांझ सबै साथी मिलेर एक ठाउँमा मदिरा सेवन गरेका थिए । सोही क्रममा एक अर्काबीच जिस्काजिस्की भयो । राति ९ः२० बजे बजे खिले भन्ने अमित घिमिरेको घरमा मृतक राई र प्रज्वल तामाङबीच जिस्काजिस्की विवादको रुप लियो ।
सामान्य विवादमा मध्यराति बाटो छेकेर राईको हत्या भएको इलाका प्रहरी कार्यालय इटहरीले जनाएको छ । राईमाथि तरहराको एकता चोकमा छुरा प्रहार भएको थियो । पेट र छातीमा छुरा लागेका राईको उपचारका क्रममा वीपी कोइराला स्वास्थ्य विज्ञान प्रतिष्ठान धरानमा आइतबार मृत्यु भएको थियो ।
राईसँग भएको विवादमा रिसमा प्रज्वल तामाङले छुरा प्रहार गरेका प्रहरीको भनाइ छ । सामान्य विवादपछि उनी साथीसँग सल्लाह गरी छुरा लिएर आई प्रहार गरेका थिए । छुरा प्रहारबाट घाइते राईको वीपी कोइराला स्वास्थ्य विज्ञान प्रतिष्ठान उपचारका क्रममा मृत्यु भएको थियो ।
परिवारसहित बेलायतमा बस्दै आएका राई लकडाउनका कारण फर्कन पाएका थिएनन् । ३ महिनाअघि छुट्टीमा आफ्नो घर नेपाल आएका उनको लकडाउनका कारण हवाइ टिकट रद्द भएको थियो । उनी हवाई सेवा खुलेलगत्तै बेलायत फर्कने तयारीमा थिए ।
यो विषयमा आफ्नो प्रतिक्रिया दिनुहोस् !