जनकपुरधाम, जेठ ८ गते । बिहीवार नेपालमा थप १७ जनामा कोरोना संक्रमण पुष्टि भएको छ ।
यो सँगै नेपालमा संक्रमितको संख्या ४ सय ४४ पुगेको स्वास्थ्य तथा जनसंख्या मन्त्रालयले जनाएको छ । संक्रमण पुष्टि भएका धेरैजसो झापा जिल्लाका छन् । झापाका १५ जनामा संक्रमण पुष्टि भएको हो ।
थपिएका संक्रमितमा झापाको कचनाकवल गाउँपालिकाका १५ जना छन् । त्यसैगरी धनकुटा र सुनसरीका एक/एक जना छन् ।
बीपी कोइराला स्वास्थ्य विज्ञान प्रतिष्ठान, धरान र विराटनगरको कोशी प्रादेशिक जनस्वास्थ्य प्रयोगशालामा गरिएको परीक्षणमा १७ जनामा संक्रमण पुष्टि भएको स्वास्थ्य तथा जनसंख्या मन्त्रालयका सहप्रवक्ता डा.समीरकुमार अधिकारीले जारी गरेको प्रेस विज्ञप्तिमा उल्लेख छ ।
हुनत बुधवार बेलुका प्रदेश १ का समाजिक विकास मन्त्रालयले ७ जनामा कोरोना पुष्टि भएको सार्वजनिक गरेको थियो । बुधवार रातिसम्म गरिएको परिक्षणमा १० जना थपिएको हो ।
यो विषयमा आफ्नो प्रतिक्रिया दिनुहोस् !