जनकपुरधाम, वैशाख ४ गते । कोरोना भाइरसको रोकथाम तथा नियन्त्रणको उपाय बारे सही सूचना दिन अधिकारिक निकायको प्रमुख दायित्व हो ।
तर प्रदेश २ का अधिकारिक निकाय समाजिक विकास मन्त्री नवलकिशोर साह र सचिव डा. रामप्रसाद घिमिरेले नै गलत सूचना प्रवाह गरेको पाइएको छ ।
प्रदेश सरकार समाजिक विकास मन्त्रालयद्वारा मन्त्री साहले मैथिली भाषामा जनहितमा जारी सन्देशमा सोसल डिस्टेन्स माने लकडाउन भन्दै समाजिक संजालमा प्रचार प्रसार गरेको पाइएको छ ।
मन्त्री जस्ता व्यक्तिले सोसल डिस्टेन्सको अर्थ लकडाउन आम नागरिकलाई सम्झाउंदै छ भने सो मन्त्रालयको काृृेरोना भाइरस राृेकथामका लागि कति सचेत रहेको प्रष्ट हुुन्छ । हुनत सोसल डिस्टेन्सको अर्थ हुन्छ समाजिक दूरी अर्थात एक व्यक्तिबाट अर्को व्यक्तिबीच दूरी कायम गर्नु हो ।
लकडाउनको सामान्य अर्थ हुन्छ संक्रमण वा विपत परिस्थितिमा आम नागरिकलाई सुरक्षणका लागि घरभित्रै बस्नु हो । लकडाउनमा समाजिक दूरी कायम गर्ने गरिन्छ । मन्त्री साहको गलत सन्देशको प्रदेश भरि निकै आलोचना भइरहेको छ । समाजिक संजालमा मन्त्रीको भनाईलाई उडाएको खिल्ली अहिले भाइरल नै भएको छ ।
मन्त्री साहले दिएको गलत सूचनाको भिडियो
सचिव घिमिरेको यस्तो छ गलत तथ्यांक
त्यस्तै सोही मन्त्रालयका सचिव घिमिरे बुधवार वैशाख ३ गतेका दिन सार्वजनिक गरेको मिडिया ब्रिफिङ्गमा गलत तथ्यांक प्रवाह गर्ने गरेको समाजिक संजालमा सार्वजनिक गरेको भिडियोमा देखिएको छ ।
सचिव घिमिरेले मिडिया ब्रिफिङ्गमा सप्तरी जिल्ला स्थित गजेन्द्रनारायण सिंह अंचल अस्प्तालको आइसोललेशन वार्डमा कहिले १ जना त कहिले ३ जना भनेका छन् । उनी आफै प्रष्ट छैन कति जना आइसोलेशन वार्डमा रहेको छ ।
त्यस्तै बारा जिल्लामा मंगलावर १४ जना आइसोलेशन वार्डमा रहेको कुरालाई सच्याएर मात्र २ जना रहेको सच्याइएको भनी भनेका छन । यी सामान्य ञुटि बाहेक पर्सा जिल्लामा २ सय ८६ बेडको क्वारेन्टाईन ८ सय ६३ जनालाई राखिएको भनेका छन ।
यी गलत तथ्यांक ३÷४ पटक दोहरयाउंदै पछि रेकर्ड गलत भएकोले ८ सय ६३ तथ्याांक मिलेन भन्दै बेड संख्या छाडेर पर्सामा ८ सय ६३ जना रहेको भनेका छन ।
अधिकारिक निकायबाट नै यस्तो गलत सूचना प्रवाह हुँदा आमनागरिकलाई मन्त्रालय कति सचेत रहेको भन्ने कस्तो सन्देश जाने हो त्यो उनकै भनाईबाट प्रष्ट हुन्छ । काठमाडौ स्थित एक मिडिया कम्पनीको ठेक्का टेण्डरमा प्रसारित सो सूचनाले आम जनतालाई भ्रममा पार्ने प्रयास गरेको स्पष्ट हुन्छ ।
प्रदेश २ मा ५÷५ वटा स्थानीय टेलिभिजन र करीब ५ दर्जनको संख्यामा रेडियो एफएम हुँदा हुँदै नेपाल टेलिभिजन इटहरी शाखा, सिआईएन र नेपाल रेडियोको फेसबूक पेजबाट प्रसारण हुँदै आएको छ । प्रदेशमा यतिको संख्यामा संचार माध्यम हुँदा त्यसबाट प्रसारण नगराई प्रदेश बाहिरबाट प्रसारण गराउनुको अर्थ सूचना प्रचार प्रसारमा ठूलै रकमको चलखेल भएको आरोप लाग्न थालेको छ ।
कमीशन चलखेलका कारण समाजिक विकास मन्त्रालयले प्रदेशस्थित संचार माध्यमबाट सूचना प्रवाह नगरी अन्य प्रदेशबाट सूचना प्रवाह गराउंदै आएको स्थानीय संचार माध्यमहरुको आरोप रहेको छ ।
जनकपुरधाम स्थित एक संचार माध्यमका संचालकले भने प्रदेश सरकारले कमीशनका लागि प्रदेशका संचार माध्यमबाट विपत सम्बन्धी सूचना प्रवाह नगरी संघीयता र संविधानको मर्म विपरित कार्य गरेको भने ।
यो विषयमा आफ्नो प्रतिक्रिया दिनुहोस् !