लहान, वैशाख १ गते । सशस्त्र प्रहरी र नेपाल छिर्न लागेका भारतीय नागरिकबीच सिरहामा झडप भएको छ ।
नेपाल–भारत सीमानाकाबाट अवैध आवतजावत रोक्न खटिएको सशस्त्र प्रहरी र भारतीय नागरिकबीच सोमबार सिराहाको सोहर्वामा झडप भएको स्थानीय प्रहरीको भनाई छ ।
सिरहाका सशस्त्र प्रहरी उपरीक्षक प्रवीण कँडेलका अनुसार दुध लिएर भारतीय नागरिक नेपालतर्फ करिब २०–२५ जनाको समूह आउन खोज्दा पहरीले रोक्दा सीमापारीबाट तिनीहरुले ढुंगा हान्न थालेपछि झडप भएको थियो ।
सो झडपको क्रममा ढुंगाको चोट लागेर सशस्त्र प्रहरीका जवान राजनकुमार चौधरी घाइते भएका छन् । घाइते जवान चौधरीको निधारमा तीनवटा टाँका लगाइएको र अवस्था सामान्य रहेको सिराहा अस्पतालले जनाएको छ ।
आफ्नो बुबालाई दूध लिएर नेपालतर्फ पस्न नदिएपछि मोहनकुमार यादवले भारतीय गाउँ कुमरखत पुगेर २०–२५ जनाको समूहलाई सीमा क्षेत्रमा ल्याएर ढुंगा हान्न लगाएको आरोपमा सशस्त्र प्रहरीले उनलाई नियन्त्रणमा लिई कारवाहीका लागि लिई जिल्ला प्रहरी कार्यालय सिराहालाई बुझाएको सशस्त्र प्रहरी उपरीक्षक कँडेलले बताए ।
यो विषयमा आफ्नो प्रतिक्रिया दिनुहोस् !