जनकपुरधाम, चैत ३० गते । प्रदेश २ सरकारले पर्साको विरगंज २ छपकैया सहित विभिन्न स्थानमा तत्कालै सिल गर्न सुरक्षा निकायलाई निदेर्शन दिएको छ ।
वीरगंजमा ३ जना संक्रमति भेटिएपछि आइतवार मन्त्रिपरिषदको बसेको आकस्मिक बैठकबाट कोरोनाको संक्रमण अझै फैलन नदिन छपकैया सहित शंकास्पद स्थान र जामे मस्जिद लगायत विभिन्न शंकास्पद मस्जिदलाई सिल गर्न निर्देशन दिइएको सरकार प्रवक्ता आन्तरिक मामिला तथा कानून मन्त्री ज्ञानेन्द्र यादवले जानकारी दिएका छन ।
उनले भने विरगंजका विभिन्न स्थान जहाँ भारत वा जमातीबाट आएका संदिग्ध लुकेको छ ती सबै ठाउँबाट कुनै व्यक्ति एक ठाउँबाट अर्को ठाउँमा जान्न नसकुन भन्ने उद्देश्यले सिल गर्न भनिएको छ । मन्त्री यादवले भने पहिचान गरिएका संदिग्ध ठाउँमा सिल गर्नुका साथै आवश्यकता परे कफ्र्यु समेत लगाइने छ ।
उनका अनुसार प्रदेश सरकारले सिल गरिएका ठाउँ र संदिग्ध ठाउँमा सम्बन्धित सुरक्षाकर्मी र स्वास्थ्यकर्मीलाई सम्पर्कमा आएका व्यक्तिहरुलाई पहिचान गरी क्वारेन्टाइन, आइसोलशनमा राख्न र तिनीहरुलाई कोरोना परीक्षण गर्न निर्देशन समेत दिएको हो ।
छपकैया स्थित जामे मस्जिदमा बस्दै आएका २१ जनाको स्वाब परीक्षण गर्दा त्यस मध्येका ३ जना भारतीय नागरिकलाई कोरोना संक्रमण भएको सरकारले पुष्टि गरिसकेको छ । उनीहरुको स्वाब हेटौडाको स्वास्थ्य प्रयोगशाला र पुनः परीक्षण काठमाडौं स्थित टेकुमा रहेको राष्ट्रिय स्वास्थ्य प्रयोगशालामा गरिएपछि पुष्टि भएको थियो ।
यसका साथै सप्तरी जिल्लाको जुन स्थानमा मुस्लिम समुदायले पछिल्लो पटक भेला गरेको त्यो स्थानमा सुरक्षा र सर्तकता अपनाउन सुरक्षा निकायलाई निर्देशन समेत दिइएको मन्त्री यादवले बताए ।
त्यस्तै बागमती प्रदेशको काठमाडौबाट प्रदेश २ मा आउने व्यक्तिहरुलाई जो जहाँ छ त्यही आवश्यक व्यवस्था मिलाई राख्न र सुरक्षामा कडाई अपनाउन बागमती प्रदेश र संघीय सरकारलाई आग्रह गर्ने निर्णय समेत गरिएको उनले जानकारी दिए ।
यो विषयमा आफ्नो प्रतिक्रिया दिनुहोस् !