जनकपुरधाम, चैत २७ गते । जनकपुरधाम वडा नम्बर ४ की राधादेवी साहलाई आर्थिक आभावले गर्दा दिवगंत श्रीमानको संस्कार र किरियाकर्म कहाँबाट निकै समस्या भएको छ ।
गत सोमवार नै निधन भएका श्रीमान राजकुमार साहको दाहसंस्कार जसोतसो गरेपनि कोरोना भाइरसको त्रासले जारी लकडाउनले गर्दा अब किरिया खर्च कहाँबाट ल्याउने धौ धौ परेको छ । उनले समाजका अधिकांश व्यक्तिसँग सापटी रुपैया मांगेकी छिन तर कसैले सहयोग गर्न मानेको छैन ।
जनकपुरधाम स्थित माछा बजार नजिक चिया पसल गरेर गुजारा गर्दै आएकी ६० वर्षिय राधा देवीले श्रीमान बांच्नञ्ेजलसम्म सबै पैसा उनको जण्डिस बिमारीमै खर्चिन, परिवारको एक्लो सहारा नै गुमिएपछि गुजरबसर गर्नुभन्दा पनि श्रीमानको किरियाखर्च कहाँबाट ल्याउने चिन्ता सताइरहेको छ ।
श्रीमान राजकुमारको निधन भएपछि दाहसंस्कारका लागि पनि राधासँग पैसा थिएन, उनले टोलमा सबैसँग पैसा मांगिन तर कसैले पनि सहयोग गरेनन । अन्त्यमा स्थानीय समाजसेवी युवा राकेश विक्रम साहले दाउरा, कफन लगायतका सामाग्री किन्न रुपैया सहयोग गरेपछि दाहसंस्कार गरियो ।
दाहसंस्कार भन्दा पनि बढी त समस्या राधालाई तब भयो जब उनको श्रीमानको शव शमशासन लग्न कोरोना भाइरसको त्रास र लकडाउनको कारण समाजका कुनै व्यक्तिले काँधा नदिएको भकानिदैं दुखेसो सुनाईन । समाजका कुनै व्यक्तिले सहयोग नगरेपछि अन्त्यमा देवर दिलिप साह र भाई रमेश साह दुईजना मात्रै मिलेर जसोतसो शव समशानसम्म पुरयाएपछि अन्त्येष्टि गर्नसकिएको भनिन् ।
राधालाई कुनै सन्तान नभएको कारण उनले स्वयं श्रीमानलाई दागवती दिएकी छिन । हुनत राधाबाट सन्तान नभएपछि उनको श्रीमान राजकुमारले अर्को बिहे गरे । कान्छी श्रीमतीबाट दुई छोरा र एक छोरी पनि छन् । तर कान्छी श्रीमती अर्को बिहे गरेपछि ती सन्तानहरु पनि उतै बस्दै आएको छ ।
यो विषयमा आफ्नो प्रतिक्रिया दिनुहोस् !