जनकपुरधाम, चैत २० गते । कोरोना भाइरसको मार उद्योगी व्यवसायी झेलिरहेको बेला जनकपुरधामको एक पसलमा चोरी भएको छ ।
जनकपुरधाम उपमहानगरपालिका वडा नं. ८ रामानन्द चौक स्थित धनुष जेनरल स्टोर एवं पान भंडार पसलमा गए राति चोरी भएको हो । ढोका तोडेर चोरले सो पसलबाट करीब डेढ लाख रुपैयाको सामान चोरी गरेर लगेको पसल संचालक रामदयाल साहले जनाएको छ ।
साहका अनुसार गल्लाबाट नगद ३६ हजारका साथै पसलमा रहेको १०० र ५० का रिचार्ज कार्ड , रजनीगंधा, साबुन, रेड बुल गरी करीब डेढ़ लाख बराबरको सामाग्री चोरी भएको हो ।
स्थानीय जानकी प्रहरी चौकीलाई खबर गरेपछि पसलमा मुचुल्का उठाउने कार्य सम्पन्न भएको साहले बताएका छन । लकडाउन भएको बेला पसल बंद गरेर घरमैं बस्ने गरेको मौका छोपेर चोरले चोरी चोरी गरेको स्थानीयहरुको प्रतिक्रिया रहेको छ ।
सम्पूर्ण ब्यापार ठप्प भएको र पसल बन्द भएको बेला स्थानीय प्रसासन र सुरक्षा निकायलाई गम्भीर हुनुपर्नेमा सो नभएको नेपाल चेम्वर अ‘ाफ का‘मर्सका वरिष्ठ उपाध्यक्ष सरोज मिश्रले आरोप लगाएका छन । साथै मिश्रले लकडाउनका पालना उद्योगी व्यवसायी इमान्दारितापुर्वक गरिरहेकोले स्थानीय प्रशासनले तिनीहरुको उद्योग व्यवसायको सुरक्षा गम्भीरता रुपमा गर्नुपर्ने आग्रह गरेका छन ।
मिश्रले चोरी गर्नेहरुलाई यथा शीघ्र पक्राउ गरि कानूनी दायरामा ल्याउन प्रहरी संग मांग गरेका छन भने जिल्ला प्रहरी कार्यालय धनुषाले चोरीको घटना वारे अनुसन्धान सुरु गरी सकेको प्रतिक्रिया दिएका छन ।
यो विषयमा आफ्नो प्रतिक्रिया दिनुहोस् !