जनकपुरधाम, चैत १७ गते । कोरोना भाइरस संक्रमण आशंका गरिएका ४ जनाको सोमवार मृत्यु भएको छ ।
प्राप्त जानकारी अनुसार काठमाडौंको त्रिवि शिक्षण अस्पताल, वीर अस्पताल र पाटन अस्पतालमा कोरोना भाइरस आशंका लागेकाको मृत्यु भएको हो ।
वीरगञ्जस्थित नेशनल मेडिकल कलेजले कोरोना भाइरसको आशंका देखिएको युवकको उपचार नगरी फिर्ता पठाएको विरामी र कोरोना आशंकामा उपचारर्थ अवस्थामा रहधादिङ खनियाबास गाउँपालिका निवासी तथा वीर अस्पतालमा गरी एक भारतीय सहित ४ जनाको को मृत्यु भएको हो ।
कलैया उपमहानगरपालिका २२ का २५ बर्षका विजय कुशवाहलाई उपचारका लागि काठमाडौं लैजाने क्रममा मृत्यु भएको हो । काठमाडौंको त्रिवि शिक्षण अस्पताल र्पुयाएपछि चिकित्सकहरुले मृत घोषणा गरेका आफन्त महेश कुशवाहले बताएका छन ।
थ्रेसरमा मुसुरो कुट्ने क्रममा खुट्टामा घाउ लागेर उपचारका लागि पुगेका ती युवकमा कोरोना संक्रमित देखिनेजस्तै लक्षण देखिएको भन्दै पर्साको नेशनल मेडिकल कलेजले काठमाडौंको शुक्रराज ट्रपिकल तथा सरुवा रोग अस्पताल टेकुमा रिफर गरिदिएको भोली पल्टै मृत्यु भएको हो ।
नेशनलपछि नारायणी अस्पतालमा प्रारम्भिक परीक्षणका क्रममा चिकित्सकले ‘सेप्टी सेमिया’का कारण बिरामीको खुट्टाको घाउ र छातीमा संक्रमण देखिएकोले सुविधा सम्पन्न अस्पतालमा लैजान रिफर गरेका थिए । त्यसपछि राति नै विरामीलाई वीरगञ्ज हेल्थ केयर, गण्डक अस्पताल पनि लग्यो तर त्यहाँपनि उपचार गर्न नमानेपछि काठमाडौ लगिएको थियो ।
नेशनल मेडिकल कलेजका प्रमुख डा. प्रमोद सर्राफले कोरोना भाइरस संक्रमितमा देखिने लक्षण बिरामीमा देखिएकोले रिफर गरेको बताए । अस्पतालमा कोरोना संक्रमितको उपचार गर्दा लगाउने सुरक्षा सामग्री (पीपीई) र अरु उपकरण नभएकाले जाँच गर्न नसकिएको उनले भने ।
यस्तै पाटन अस्पतालमा भारतबाट फागुन १४ गते फर्किएका ३६ वर्षिय धांिदग जिल्ला निवासी युवकको उपचारको क्रममा मृत्यु भएको छ ।
अस्पतालका निर्देशक प्रा. डा. विष्णु शर्माले सो अस्पतालमा कोरोनाको आशंकामा तीनजनालाई आइसोलेसनमा राखिएको थियो त्यस मध्ये आइसीयूमा उपचार भइरहेका ती युवकको मृत्यु भएको हो । उनका अनुसार कोरोनाकै कारण मृत्यु भएको हो भन्ने कुराको यकिन ल्याब रिपोर्ट आएपछि मात्रै हुनेछ ।
ती युवक १६ वर्षमै भारतीय सेनामा भर्ती भई १८ वर्षदेखि कार्यरत् थिए । उनलाई दुई दिनदेखि ज्वरो आएपछि धादिङबाट काठमाडौं उपचारका लागि ल्याइएको थियो ।
त्यस्तै वीर अस्पतालमा भारतबाट हालै फर्किएका ५० वर्षका पुरुष र चन्द्रागिरि नगरपालिका सतुंगलकी ३४ वर्षकी महिला छन् ।
वीर अस्पतालका निर्देशक डा. केदार सेञ्चुरीका अनुसार दुबै जनाको कोरोना संक्रमण परीक्षणका लागि राष्ट्रिय जनस्वास्थ्य प्रयोगशालामा नमुना पठाइएको छ । तर रिपोर्ट आएको छैन । निमोनियाको समस्या देखिएकी महिलालाई आइतबार साँझ अस्पताल ल्याइएको थियो ।
उनको सोमबार विहान मृत्यु भएको हो ।
यो विषयमा आफ्नो प्रतिक्रिया दिनुहोस् !