जनकपुरधाम, चैत १४ गते । कोरोना भाइरसको रोकथाम एवं सतर्ककताका लागि नेपाल सरकारले घोषणा गरेको लकडाउनको चौथो दिन जनकपुरधामको शुक्रबारी बजारमा सिमित संख्यामा तरकारी बजार लगाइएको छ ।
लकडाउनको चार दिनमा आम नागरिकलाई तरकारी तथा फलफूलको समस्या हुन थालेपछि जनकपुरधाम उपमहानगरपालिका ४ का अध्यक्ष सुदर्शन सिंहको सक्रियता व्यवस्थित रुपमा तरकारी बजार लगाइएको हो ।
नेपाल सरकारले अत्यावश्यक खाद्यान्न सामाग्री भनेका मध्ये तरकारी र फलफूल पनि हुन, सोही अनुसार यहाँका स्थानीय प्रहरी प्रशासनको समन्वयमा सिमित संख्यामा तरकारी पसल राखेर व्यवस्थित रुपमा विक्री वितरण कार्य भइरहेको अध्यक्ष सिंहले बताए ।
सो बजारमा नियमित रुपमा पसल थाप्ने गरेका स्थानीय व्यवसायीहरुको तरकारी र फलफूल पसल मात्र राखिएको छ । तिन फिटको दूरी मेन्टनका लागि चूनाले एक÷एक मीटरको दूरी सहितको घेरा बनाइएको जानकारी दिदै भने ।
प्रहरीको सुरक्षा लगाइएको सो बजारमा तिन फिट दूरी मेन्टनका साथै भीड हुन नपाउने गरी पालै पालै गरी उपभोत्ताले सामान किन्ने व्यवस्था मिलाइएको छ ।
लकडाउनको चौथो दिनमा सिमित संख्यामा भएपनि तरकारी बजार खुल्दा स्थानीयलाई निकै राहत भएको छ । उनीहरुले गत चारदिन देखि हरियो तरकारी र फलफुल खान सकेका थिएन ।
तरकारी पसल कतिको सहज भएको बारे तरकारी किन्न गएका स्थानीयहरु बताएका छन ।
लकडाउनले गर्दा तरकारी बजार खोलिएपनि केही महंगो दर देखिए । बाहिरबाट आउने तरकारीहरु आउन नसक्दा व्यवसायीहरुले गाउँघरबाट आउने किसानहरुबाट सिमित संख्यामा किन्ने गरेका छन ।
लकडाउनले गर्दा चौथो दिनपनि बजार क्षेत्र सुनसान नै रहेको । शुक्रबारी बजार संगै जनकपुर क्षेत्रका अन्य बजारहरु पनि खोलिएको छ । तर सिमित संख्यामा मात्र खोलेर उपभोक्तालाई सहज वातावरण बनाइरहेको छ ।
यो विषयमा आफ्नो प्रतिक्रिया दिनुहोस् !