जनकपुरधाम, जनकपुर उद्योग वाणिज्य संघले विश्वभरि महामारीको रुप लिएका कोरोना भाइरसको न्यूनीकरण र सुरक्षाको दृष्टिगत गर्दै अत्यावश्यक वस्तु वाहेकका उद्योग व्यवसाय मंगलवारदेखि बन्द गराएको छ ।
कोरोना भाइरसको जोखिम बढदै गएको अवस्थामा सुरक्षा र सर्तकताका लागि संघको सोमवार पदाधिकारीहरुको बसेको बैठकबाट चैत ११ गतेदेखि १६ गतेसम्म जनकपुरधाम बजार बन्द गर्ने निर्णय गरिएको छ ।
बैठक पश्चात जारी प्रेस विज्ञप्तिमा संघले अत्यावश्यक खाद्यान्न सामाग्री, किराना, औषधी एलपी ग्यास, तरकारी, पेट्रोलपम्प बाहेकका अन्य पसल तथा उद्योग व्यवसाय बन्द गर्न आग्रह गरेको छ । यसका साथै संघले जनकपुरधाम बजारका विभिन्न स्थानमा ह्याण्ड वासको व्यवस्था र मास्क वितरण गरेका छन ।
संचारकर्मीसँग कुरा गर्दै संघका महासचिव जितेन्द्र महासेठले भने व्यवसायीहरुको सुरक्षा र सर्तकताका लागि अत्यावश्यक सेवा बाहेकका उद्योग व्यवसाय बन्द गर्ने निर्णय गरिएको र व्यवसायी सहित सेवाग्राहीहरुलाई मास्क वितरण र चौकहरुमा ह्याण्ड वासको व्यवस्था गरिएको भने ।
यसका साथै संघले अत्यावश्यक अवस्था बाहेक घरभन्दा बाहिर र कार्यालय नजान सम्पूर्ण उद्योगी व्यवसायी र सर्वसाधारणलाई आग्रह पनि गरेको छ । संघले खुल्ला रहने अत्यावश्यक सेवाको पसलमा साबुन पानी र सेन्टीलाइजरको व्यवस्था गरी ग्राहकहरुलाई हाथ धोएर मात्रै पसलमा आउन अनुरोध गर्ने सहितका विभिन्न अनुरोध व्यवसायीहरुलाई गरेको छ ।
अत्यावश्यक सामाग्रीको अनुचित भण्डारण नगर्ने गरी खरीद गर्न सर्वसाधारणलाई आग्रह गर्दै कृतिम आभाव र कलाबजारी श्रृजना नगर्न व्यवसायीहरुसंग अनुरोध पनि संघले गरेको छ ।
यो विषयमा आफ्नो प्रतिक्रिया दिनुहोस् !