लोक समाचारदाता
बिराटनगर, फागुन २६ गते ।
सुनसरी र मोरङको छ विभिन्न स्थानमा भएको सवारी दुर्घटनामा परी दुईजनाको मृत्यु भएको छ ।
आईतवार साँझ पश्चिमबाट पुर्वतर्फ गइरहेको ना ७ ख ७१८१ नम्बरको तेलको ट्याङकरले सुनसरीको ईनरुवा नगरपालिका ६ घोपाली टोलमा ठक्कर दिंदा पैदल यात्रीलाई स्थानीय ४८ बर्षीया मोनीमाया गिरीको मृत्यु भएको छ ।
ठक्करबाट घाईते गिरीको उपचारको क्रममा जिल्ला अस्पताल ईनरुवामो मृत्यु भएको हो । घटना पश्चात ठक्कर दिने ट्याङकर र चालकलाई जिल्ला प्रहरी कार्यालय सुनसरीले नियन्त्रणमा लिई अनुसन्धान प्रक्रिया अघि बढाएको छ ।
त्यसैगरी मोरङको बेलवारी नगरपालिका ९ मा मोटरसाईकल दुर्घटनामा परी १ जनाको मृत्यु भएको छ । बेलवारी ९ नलवारी सडक खण्डमा उत्तरबाट दक्षिण तर्फ गइरहेको मे ८ प ५२२८ नम्बरको मोटरसाईकल आफै अनियन्त्रीत भई दुर्घटना भएको थियो ।
दुर्घटनामा घाईते भएका मोटरसाईकल चालक बेलवारी नगरपालिका १० का २८ बर्षीय तेज बहादुर धिमालको बि.पी.कोईराला स्वास्थ्य बिज्ञान प्रतिष्ठान धरानमा उपचारको क्रममा मृत्यु भएको प्रदेश प्रहरी कार्यालय विराटनगरले जनाएको छ ।
यो विषयमा आफ्नो प्रतिक्रिया दिनुहोस् !