लोक समाचारदाता
जनकपुरधाम, फागुन १८ गते ।
विद्युत प्राद्यिकरणको लापरवाहीले धनुषाको धनुषाधाम नगरपालिका ३ मा बिजुलीको पोलमा किचिएर स्कुले बालकको मृत्युु भएको छ ।
स्थानीय विनोद गडेरीका छोरा अन्दाजी बर्ष १० आशिक गडेरीको बिजुलीको पोलमा किचेर मृत्यु भएको प्रहरीले जनाएको छ ।
स्थानीय धनुष आवासीय विद्यालयमा अध्ययनरत बालक आशिक आइतबार दिउँसो ४ बजे विद्यालय विदा भएपछि घर फर्किने क्रममा सडक छेउमा जम्मा गरि राखिएको विजुलीको पोलमा खेल्न जाँदा किचिएको इलाका प्रहरी कार्यालय धनुषाधामले जनाएको छ । बालक पोलमाथि चढ्दा ढलेर जिउमै किचिएपछि घटना स्थलमै मृत्युु भएको जनाएको छ ।
बालक किचिएको जानकारी हुनासाथ ५० मिटरको दुरीमा मात्र रहेको ईलाका प्रहरी कार्यालय धनुषा र सशस्त्र प्रहरी बल धनुषाधाम घटनास्थल पुगेर डोजर लिएर पोल हटाएको थियो ।
बालकको शवलाई पोस्टमार्टमको लागि प्रादेशिक अस्पताल जनकपुर ल्याइएको प्रहरीले जनाएको छ । स्थानीयले प्राद्यिकरण जथाभावी पोल राखेको कारण दुर्घटना भएको आरोप लगाएका छन।
यो विषयमा आफ्नो प्रतिक्रिया दिनुहोस् !