लोक समाचारदाता
जनकपुरधाम, फागुन ८ गते ।
सूचना तथा सञ्चारमन्त्री गोकुल प्रसाद बास्कोटाले सेक्युरिटी प्रिन्टीङ प्रेसको खरिदमा ७० करोड रुपैया कमिसनका लागि सेटिङ गरेको प्रकारणले गर्दा राजीनामा दिएका छन ।
एक स्वीस कम्पनीको नेपाली एजेन्टसँग मन्त्री बास्कोटाले आफूले पाउने कमिसनका लागि सेटीङ गरेको अडियो सार्वजनिक भएपछि प्रतिपक्षी नेपाली कांग्रेसले विरोध सहित राष्ट्रिय सभाको बैठक अवरुद्ध गरेपछि अन्ततः राजीनामा दिएको हो ।
शुक्रवार संसदको बैठकमा मन्त्री बास्कोटा सभामुख अग्निप्रसाद सापकोटा समक्ष राजीनामा पत्र बुझाएका हुन । मन्त्री बास्कोटा नेपाल कम्युनिष्ट पार्टीबाट मन्त्री बनेका थिए । नेकपा अध्यक्ष पुष्पकमल दाहालले प्रधानमन्त्री केपी शर्मा ओलीसँग छलफल गरी मन्त्री बास्कोटालाई राजनीमा दिन दबाव दिएका थिए ।
स्विस कम्पनीको स्थानीय एजेन्ट विजयप्रकाश मिश्र शर्मासँगको कुराकानीका क्रममा मन्त्री बाँस्कोटाले कुन ट्रयाकबाट कमिसन बढी निकाल्ने सम्मको सल्लाह गरेका छन् । नर्मल तरिकाबाट कम कमिसन आउने र बढी कमिसनका लागि आउट अफ ट्रयाक जानुपर्ने सुझाव समेत एजेन्ट मिश्रको छ ।
७० देखि ७५ करोड रुपैया कमिसन आउँदा त्यसको ७० प्रतिशत कमिसन मन्त्रीलाई दिने प्रस्ताव सुनेपछि त्यो भनेको कति भनेर सोध्ने मन्त्री बास्कोटालाई उनले ५५ करोड जति कमिसन हुने प्रष्ट पारेका थिए ।
प्रधानमन्त्री ओलीले आफू भ्रष्टाचार गर्दिन र गर्न पनि दिन्न भनिरहेका बेला नै उनको प्रिय पात्रको रुपमा रहेको बास्कोटा कमीशन प्रकारणमा परेका हुन ।
यसैबीच सार्वजनिक लेखा समितिले सो प्रेस खरीद प्रक्रिया अघि नबढाउन सरकारलाई निर्देशन दिइसकेका छन । यसअघि एजेन्ट मिश्र सार्वजनिक लेखा समितिले बोलाएको छलफलमा समेत विज्ञको रुपमा छलफलमा सहभागि भएका थिए । उनलाई मन्त्रीले २७ अर्वको लागत लाग्ने देखिए त्यसलाई २८ अर्व बनाउन सुझाव दिएर थप एक अर्व समेत भ्रष्टाचार गर्न पनि सिकाएको अडियोमा भनिएको छ ।
यस्तो छ : मन्त्री बास्कोटा र स्वीस कम्पनीका स्थानीय एजेन्ट मिश्र शर्माबीच भएको संवाद जस्ताको त्यस्तै :
यो विषयमा आफ्नो प्रतिक्रिया दिनुहोस् !