लोक समाचारदाता
जनकपुरधाम, माघ २८ गते ।
प्रदेश २ सरकारले स्वास्थ्य नीति मस्यौदा तयार पारेका छन । सरकारले गठन गरेको कार्यदलले सो मस्यौदा तयार गरी सरकारलाई मंगलवार हस्तान्तरण गरेको छ ।
समाजिक विकास मन्त्रालयद्वारा आयोजित एक कार्यक्रमका बीच कार्यदलका संयोजक डा. राम केवल साहले तयार पारिएको मस्यौदा समाजिक विकास मन्त्री नवल किशोर साह हस्तान्तरण गरेका छन भने सो मन्त्री साहले मुख्यमन्त्री लालबाबु राउत हस्तान्तरण गरेको छ ।
कार्यदलले तैयार पारेको मस्यौदामा प्रदेशको स्वास्थ्य क्षेत्रमा देखिएको समस्या, सुधारका लागि गर्नुपर्ने उपाय तथा स्वास्थ्य क्षेत्रको पुर्नसंरचना लगायतको विषयहरु समेटिएको छ ।
मुख्यमन्त्री राउतले कार्यदलले तैयार पारेको मस्यौदाले प्रदेशको स्वास्थ्य अवस्थामा सुधार ल्याउन प्रदेश सरकारलाई मार्ग दर्शक हुने विश्वास व्यक्त गरे । सरकारी नीतिकै कारण स्वास्थ्य क्षेत्र सोच अनुरुपको सफलता पाउन नसकेको उल्लेख गर्दै मुख्यमन्त्री राउतले स्वास्थ्य क्षेत्रलाई विश्वासिलो बनाउन पुनःसंरचना आवश्यक रहेको बताए ।
कार्यक्रममा भौतिक पूर्वाधार विकास मन्त्री जितेन्द्र सोनलले स्वास्थ्य नीतिको मस्यौदा तयार भए झै सरकारलाई अगामी दिनमा काम गर्न सबै क्षेत्रको नीति बनाउनु पर्ने आवश्यकतामा जोड दिए । साथै उनले अगामी दिनमा सरकारले यस मस्यौदालाई प्रारम्भीक आधार बनाएर आफनो नीति तथा कार्यक्रम बनाउने विश्वास व्यक्त गरे ।
समाजिक विकास मन्त्री नवल किशोर साहको अध्यक्षतामा भएको सो कार्यक्रममा समाजिक विकास राज्य मन्त्री अभिराम शर्मा, नीति तथा योजना आयोगका उपाध्यक्ष डा. भोगेन्द्र झा सहितका वक्ताहरुले मस्यौदा माथि आ–आफना विचार राखेका थिए ।
यो विषयमा आफ्नो प्रतिक्रिया दिनुहोस् !