लोक समाचारदाता
जनकपुरधाम, माघ २७ गते ।
प्रदेश २ का मुख्यमन्त्री लालबाबु राउतले समाजिक रुपान्तरणको लागि सबै पक्षबाट प्रयास हुनुपर्ने बताएका छन ।
मुलधार महिला सेवा केन्द्र उदयपुरद्वारा आयोजित दोस्रो राष्ट्रिय बेटी सम्मेलनको उद्घाटन गर्दै मुख्यमन्त्री राउतले समाजमा पछाडी परेका महिलाहरुलाई मुल धारमा ल्याउन सबै पक्षलाई आ –आफनो तह बाट सहयोग गर्नु पर्ने बताए ।
उनले महिलाहरुको सशक्तिकरणको लागि प्रदेश सरकार प्रतिबद्ध रहेको बताउनु हुँदै प्रदेश सरकारले ल्याएका योजनाहरु बाट केही वर्ष भित्रै प्रदेश २का महिलाहरु सशक्त रुपमा अगाडी आउने दावी समेत गरे ।
मुलधार महिला सेवा केन्द्रका अध्यक्ष नजबुल खातुनको अध्यक्षतामा भएको उक्त कार्यक्रममा देश भरि बाटै प्रतिनिधिमुलक महिलाहरुको सहभागिता रहेको थियो । उक्त कार्यक्रममा एसिड पिडित मुस्कान खातुन लगायतलाई सम्मान समेत गरिएको थियो ।
यो विषयमा आफ्नो प्रतिक्रिया दिनुहोस् !