जनकपुरधाम, जेठ १६ गते ।
धनुषा प्रहरीले धामी झाक्री काममा सिद्धी प्राप्त गरी दखल बढाउने उद्देश्यले अढाई वर्षिय बालकको हत्या गरेको आरोपमा एक धामीलाई पक्राउ गरेको छ ।
गत वैशाख २४ गतेका दिन धनुषा जिल्ला मिथिला नगरपालिका ६ ढल्केवर स्थित एक खेतको झारीमा शव फेला परेको स्थानीय शम्भु साहको अढाई वर्षिय छोरा आर्यन भन्ने बालक समिर कुमार साहको हत्या आरोपमा बाबा भन्ने स्थानीय शत्रुध्न महतोलाई धनुषा प्रहरीले पक्राउ परेको छ ।
पक्राउ परेका महतो र हत्यामा प्रयोग गरिएको धारिलो हतियार दबिया (खुकुरी) समेतलाई जिल्ला प्रहरी कार्यालय धनुषाले बिहीवार एक पत्रकार सम्मेलन गरी सार्वजनिक गरेको छ ।
धनुषाका प्रहरी उपरिक्षक शेखर खनालले धामी झाक्रीको काम गर्दै आएको महतोले सिद्धी प्राप्त गरी काममा दखल बढाउने उद्देश्यले बालकलाई घरमा कोही नभएको मौका छोपी लगेर आफ्नै घरमा चमेनीया माई भन्ने देवीको नाममा क्रुरतापुर्वक धारिलो हतियारले हत्या गरी नरबली चढाएको अनुसन्धानमा खुल्न आएको बताए ।
उनले भने घटनाको अनुसन्धानको क्रममा ६५ जनालाई नियन्त्रणमा विभिन्न तरिकाले अनुसन्धान गर्दा बालक पछिल्लो धामी महतो कहाँ नै देखिएको खुल्न आएको थियो । सोही कुराको अनुसन्धान गर्दै जाँदा महतो पक्राउ परेको हो ।
शव फेला परे लगतै धनुषा प्रहरीले प्रदेश प्रहरी र प्रदेश ३ हेटौडाबाट विशेष सुरक्षा टीम तथा कुकुरको सहयोगमा अनुसन्धान शुरु गरेको थियो । पक्राउ परेका आरोपित महतो विरुद्ध पिडीत पक्षबाट हत्याको किटानी जाहेरी उजुरी दर्ता गराई, उनी विरुद्ध अदालतबाट ७ दिनको म्याद लिएर थप अनुसन्धान जिप्रका धनुषाले अघि बढाएको थियो ।
घटना भएको दिन बालक आर्यनका बुवा काठमाडौ गएको थियो भने आमा घाँस काटन घरबाट बाहिर गएकी थिइन । घरमा कोही नभएको सोही मौकाको फाइदा उठाउँदै महतोले बालकलाई खेलिरहेको क्रममा ललाई फकाई घरबाट लगेको थियो ।
राति घरमा धामी विधान अनुसार बालकलाई बेहोस पारी पुजापाठ गरी त्यसको भोली पल्ट दिनको २ बजे आफ्नो घरमै महतोले नरबली चढाउने बालकको क्रुरतापुर्वक घाँटी रेटी हत्या गरेको अनुसन्धानबाट खुल्न आएको प्रहरीको भनाई छ ।
यो विषयमा आफ्नो प्रतिक्रिया दिनुहोस् !