जनकपुरधाम । विकल्प नेपाल धनुषाले अन्य वर्ष जस्तै यस वर्षपनि गोदावरी इन्द्रदेव स्मृति छात्रवृति एवं पुरस्कार वितरण गरेका छन् ।
एक कार्यक्रमका बीच यस वर्षको छात्रवृति तथा पुरस्कार नगराईन नगरपालिका ८ खिरखिरियास्थित श्री महावीर मेमोरियल ई. बो. स्कूल खिरखिरियाका विद्यार्थीलाई छात्रवृति वितरण गरिएको हो ।
कार्यक्रमका प्रमुख अतिथि धनुषाको नगराईन नगरपालिकाका मेयर विनय कुमार यादवद्वारा सो छात्रवृति तथा पुरस्कार विद्यार्थीहरुलाई वितरण गरिएको हो । यस वर्षको छात्रवृति वापत निहाल ठाकुरलाई १२ हजार रुपैया पाएका छन् ।
पुरस्कारतर्फ प्रथम पुरस्कार राजु साह, द्वितीय पुरस्कार खुश्बु महरा र तृतिय पुरस्का सरस्वती महरालाई दिइएको छ । ९५ प्रतिशत मार्क ल्याएर स्कूट टप गरेकी दिपिकालाई पनि पुरस्कृत गरिएको छ ।
यसका साथै विकल्प नेपालका अध्यक्ष कमल पंकजद्वारा दुई जना महिला अभिभावकलाई सारीसहितका लुगा प्रदान गरिएको छ । यो पुरस्कार खासगरी दलित, महिला र सिमान्तकृतलाई प्रदान गरिदै आएको छ ।
सो छात्रवृति तथा पुरस्कार कार्यक्रममा स्कूलका प्रधानाध्यापक इन्द्रदेव मण्डल, संस्थाका संस्थापक पारिवारिक सदस्य कविता कर्ण, स्थानीय अभिभावक लक्ष्मण मण्डल, नथुनी ठाकुर, लगायत दर्जनौ अभिभावकको उपस्थिति रहेको थियो ।
यो विषयमा आफ्नो प्रतिक्रिया दिनुहोस् !