लोक समाचारदाता
जनकपुरधाम, फागुन ६ गते ।
बुहारीलाई कुटपिट गरी मट्टितेल खन्याएर हत्या गर्न प्रयास गरेकी सासुलाई धनुषा अदालतले पुर्पक्षका लागि जेल चलान गरेको छ ।
महोत्तरी जिल्लाको बलबा नगरपालिका १ घर भइ हाल जनकपुर उपमहानगरपालिका ८ बस्दै आएकी सासु रामपरी देवीलाई पुर्वपक्षका लागि मंगलवार सिन्धुली कारागारमा पठाउन धनुषा जिल्ला अदालतले आदेश दिएको हो ।
गत माघ ९ गतेका दिन बुहारी सुधिरा देवी यादवलाई उनको श्रीमान दिपेन्द्र मण्डल, सासु रामपरी, भिनाजु दिनेश, नन्द अनिता समेतले कुटपिट गरी शरीरमा मट्टी तेल खन्याई आगो लगाउन खोज्दा छिमेकीले बचाएका थिए ।
सासु रामपरीले सुधिराको शरीरमा रासायनीक पदार्थ प्रयोग गरी थप पिडा दिएको मुद्दामा प्रहरीले उहाँलाई पक्राउ गरी अनुसन्धान थालेको थियो ।
सो घटनाका अन्य आरोपी सुधिराका श्रीमान दिपेन्द्र, भिनाजु दिनेश र नन्द अनिताल हाल फरार रहेको छ । समान्य घरायसी विवादका कारण सुधिरालाई मट्टी तेल खन्याएर मार्ने प्रयास गरिएको थियो ।
यो विषयमा आफ्नो प्रतिक्रिया दिनुहोस् !