जनकपुरधाम, भदाै ३० गते । जेन—जी आन्दोलनका क्रममा मधेश प्रदेश लाेकसेवा आयाेग कार्यालयकाे सुरक्षार्थ खटिएका प्रहरीको हतियार लुटेकाे आराेपमा धनुषा प्रहरीले तीन जनालाई पक्राउ गरेको छ ।
बितेको भदौ २४ गते प्रदेश लोकसेवा आयोगको कार्यालयमा लुटपाटसहित तोडफोड तथा आगजानी गरी सुरक्षामा खटिएका प्रहरीको हतियार लिएर फरार भएको आरोपमा प्रहरीले जनकपुरधाम उपमहानगरपालिका ९ का मनिष अधिकारी, सन्तोष यादव र शहीदनगर नगरपालिका ३ निवासी हाल जनकपुरधाम ९ मा बस्दै आएका शिवम साहलाई लुटिएका एसएलआर हतियार सहित पक्राउ गरिएको पक्राउ गरिएको छ ।
पक्राउ परेका मध्ये शिवमलाई भदाै २७ गते एक थान राईफल र भदाै ३० गते मनिष र सन्ताेषलाई एक थान एसएलआर राईफल र ५० राउण्ड गाेली सहित पक्राउ गरिएकाे जिल्ला प्रहरी कार्यालय धनुषाका प्रमुख एसपी नरहरि रेग्मीले जनाएको छ ।
यसअघि पनि आयोगमा तोडफोड र प्रहरीको हतियार लुटेको घटनामा संलग्न रहको आरोपमा जनकपुरधाम–१३ का काले पटेललाई पक्राउ गरेको थियो । प्रदेश लोक सेवा आयोगमा लुटपाट, तोडफोड तथा आगजानी गरेको आरोपमा यो सहित ४ जना पक्राउ परिसकेको छ ।
करीब ५०/६० जनाको समूहमा गएका युवाहरुको समूहले प्रदेश लोक सेवा आयोगको कार्यालय भित्र प्रवेश गरी कार्यालयमा राखिएको चारपांग्रे गाडी ४ वटा, मोटरसाइकल ४ वटा, सिसिटीभीमा तोडफोडसहित सुरक्षामा खटिएका नेपाली प्रहरीको एसएलआर राइफल दूईथान सहित ५० राउण्ड गोली लिएर फरार भएका थिए । अनुसन्धानकाे क्रममा सिसिटीभी फुटेजकाे आधारमा तिनीहरूलाई पक्राउ गरिएकाे एसपी रेगमीले जनाएकाे छ ।
प्रहरी चौकीहरू, मन्त्रालय लगायतका स्थानमा आगजानी, लुटपाट तथा प्रहरीको हतियार लुटपाटमा संलग्नहरूलाई प्रहरीले पक्राउ गरेको हो । जिल्ला प्रहरी कार्यालय धनुषाका अनुसार हालसम्म १० जना पक्राउ परेका छन् ।
उनले लुटपाट तथा आगजनीलगायतका घटनामा संलग्नहरूलाई पक्राउ गर्नुका साथै खोजबिन गर्ने काम भइरहेको बताए । उनका अनुसार अहिलेसम्म ८ जनालाई पक्राउ गरी मुद्दा चलाइएको छ ।
एसपी रेग्मीका अनुसार सात जनामाथि आपराधिक उपद्रव र एक जनामाथि अभद्र व्यवहारसम्बन्धी कसुरमा मुद्दा चलाइएको छ । उनले लुटपाट र आगजनी लगायतका घटनामा संलग्न अन्य व्यक्तिहरूको खोजी कार्य भइरहेको बताए ।
जनकपुरधाम हनुमानगर प्रहरी चौकीमा ग्यास सिलिन्डर पड्काएको आरोपमा संलग्न प्रहरीले वडा नम्बर ११ बस्ने ३६ वर्षीय राधे यादवलाई पक्राउ गरको छ । उनीमाथि अभद्र व्यवहार मुद्दा दर्ता भएको छ ।
मन्त्रालयको कम्प्युटर लुटेको आरोपमा जनकपुरधाम–१० बस्ने गौतम भगत र चन्दनकुमार साहलाई प्रहरीले पक्राउ गरेको छ । उनीहरूमाथि पनि आपराधिक उपद्रव मुद्दा दर्ता भएको छ ।
त्यस्तै जनकपुरधाम–८ स्थित बलवा प्रहरी चौकीमा आगजनी गरेको आरोपमा महोत्तरी भंगहा नगरपालिका–७ का १९ वर्षीय कृष्णा यादव र लोहारपट्टी नगरपालिका–२ का २८ वर्षीय निर्भय मिश्रा रहेका छन्। उनीहरूमाथि पनि आपराधिक उपद्रव मुद्दा दर्ता भएको प्रहरीले जनाएको छ ।
यो विषयमा आफ्नो प्रतिक्रिया दिनुहोस् !