लोक समाचारदाता
गौर, कात्तिक २ गते ।
मेयर कपको क्रममा भएको विवादमा प्रहरीले ज्यादती गरेको भन्दै रौतहटमा प्रहरीको गाडीमाथि ढुंगामुढा गरी तोतफोड गरिएको छ ।
गौरबाट थुनुवा पुर्याएर फर्किरहेको ना १ झ १३३१ नम्बरको प्रहरीको गाडीमा कटहरिया ६ फतेपुरमा ढुंगामुढा गरी तोडफोड गरिएको प्रहरीले जनाएको छ ।
C
शुक्रवार कटहरिया माविको प्राङ्गणमा भएको मेयरकप क्रिकेट प्रतियोगिताको फाइनलमा ब्याटिङ गरिरहेका कटहरिया टिमका ब्याटुसमेन संजिव सिंहलाई अम्पाएरले आउट नभएको भन्दा पनि फतेपुरका खेलाडीले जबरजस्ती आउट भएको भन्न थालेपछि दुबैगाँउका खेलाडी र स्थानीयबीच केही समय झडप भएको थियो ।
सो झडपलाई नियन्त्रणमा लिन इलाका प्रहरी कार्यालयबाट गएको प्रहरी गस्ती टोलीले लाठीचार्ज गरेको निहुमा आक्रोशित फतेपुरमा केही स्थानीय खेलाडी र युवाले प्रहरीको गाडीमा ढुंगामुढा गरेको बुझिएको छ ।
दर्जनौ युवाको भिडले ढुंगामुढा गर्दा प्रहरीको गाडीको सिसा फुट्नुको साथै केही प्रहरीलाई चोटपटक समेत लागेको जनाएको छ । गाडीमा ढुंगामुढा तथा तोडफोड गरेको आरोपमा प्रहरीले शनिबार ७ जना युवालाई पक्राउ गरेको छ ।
पक्राउ पर्नेहरुमा कटहरिया ६ फतेपुरका बर्ष ३० का सुवोध कुमार सहनी, सोही ठाँउका बर्ष ३० का रन्जित स हनी, बर्ष ३० का विरेन्द्र सहनी, बर्ष २६ का उमेश पाश्वान, बर्ष १९ का मुना खाँ र बर्ष १८ का सकिन्द्र यादव रहेको कुरा इलाका प्रहरी कार्यालय गरुडाका निमित्त प्रमुख प्रहरी निरीक्षक रिपेन्द्र सिंहले जनएको छ ।
यो विषयमा आफ्नो प्रतिक्रिया दिनुहोस् !