विप्लव समूहका जनसरकार र इन्चार्ज सहित २ जना पक्राउ

लोक सम्वाददाता
काठमाडौ, भदौ ६ गते ।
नेत्रविक्रम चन्द ‘विप्लव’ समूहका जनसरकार प्रमुख भनिएका जिल्ला सदस्य र इन्चार्ज गरी दुई जना पक्राउ परेको छ ।
पक्राउ पर्नेहरुमा नवलपरासी जिल्ला सदस्य एवं जनसरकार प्रमुख भनिएका प्रेमप्रसाद ढकाल र कास्की जिल्ला इन्चार्ज रुपेश भनिने कृष्ण वाग्ले रहेको नेपाल प्रहरीले जनाएको छ ।
पक्राउ परेका छन् ।
नवलपरासीको सुनवल नगरपालिका १३ बडेरास्थित घरबाटै गए राति ढकाललाई पक्राउ गरिएको जिल्ला प्रहरी कार्यलय पश्चिम नवलपरासीका प्रवक्ता प्रहरी नायब उपरीक्षक वीरेन्द्र थापाले जनाएको छ ।
पक्राउ परेका ढकाललाई जिल्ला प्रहरी कार्यलयमा राखी आवश्यक अनुसन्धान थालिएको उनले बताए । ढकालसँगै पश्चिम नवलपरासीका इन्चार्ज सुमन ज्ञवाली यसअघि नै पक्राउ परी कारागारमा भने सो जिल्लाका अधिकांश नेताहरु पार्टी परित्याग गरी धरौटीमा रिहा पनि भइसकेको छ ।
त्यसैगरी कास्कीको पोखरा महानगरपालिका २७ को सिसुवाबाट जिल्ला इन्चार्ज वाग्ले सहित अन्य दुई जना समेत पक्राउ परेको जिल्ला प्रहरी कार्यालयका प्रमुख एवं प्रहरी उपरीक्षक दानबहादुर कार्कीले जानकारी दिएका छन् ।