प्रदेश सरकारलाई आफ्नै कर्मचारी भर्ना गर्ने बाटो खुल्यो

लोक सम्वाददाता
जनकपुरधाम, साउन २२ गते ।
प्रदेश २ सरकारलाई आफ्नै कर्मचारी भर्ना गर्ने बाटो खुलेको छ ।
लामो समयदेखि प्रतिक्षारत लोकसेवा विधेयक प्रदेश सभाबाट सर्वसम्मतले पारित भएपछि कर्मचारी भर्ना गर्न बाटो खुलेको हो । यस अघि प्रदेश सरकारले प्रहरी विधेयक पारित गरेपनि लोकसेवा आयोग नभएका कारण प्रहरी भर्ना गर्न सकेको थिएन ।
विधेयकमाथि नेपाली काँग्रेसका प्रदेश सभा सदस्य शिवचन्द्र चौधरी र नेकपाका सदस्य गोविन्द न्यौपानेले राख्नु भएको जिज्ञासाको मुख्यमन्त्री लालबाबु राउतले धारणा राखेपछि प्रदेश सभाले विधेयक सर्वसम्मतिले पारित गरेको हो ।
कर्मचारी अभावको कारण सरकार प्रभावकारी रुपले काम गर्न भन्नु हुँदै मुख्यमन्त्री राउतले विधेयक पारित भएपछि आफनै कर्मचारी भर्ना गरेर सरकार संचालन सहज बनाउने बताएका छन् ।
पारित भएको विधेयक प्रदेश प्रमुखबाट प्रमाणिकरण भएपछि प्रदेश सरकार अब लोकसेवा आयोगको गठन गरी कर्मचारी भर्ना गर्न सक्नेछन् ।
गत जेठ १२ जेठमा टेबल भएको विधेयक प्रदेशसभामा पेश भएपछि सैद्वान्तिक छलफल भई चार सांसद रहेको विशेष समितिमा पठाइएको थियो । समितिबाट विधेयकलाई संशोधनसहित प्रदेशसभामा मंगलवार प्रस्तुत गरे पछि बुधवार सर्वसम्मत बाट पारित भएको छ ।
प्रदेश लोक सेवा आयोगको काम, कर्तव्य र अधिकार सकम्बन्धमा व्यवस्था गर्न बनेको बिधेयक सो विधेयकलाई नाम दिइएको छ ।
यता बुधवार नै सामाजिक विकास मंत्री नवल किशोर साह बाल बालिकाको हकÞ अधिकार संबंधमा व्यवस्था गर्न बनेको विधेयक २०७५ र स्वास्थ्य सेवा सम्बन्धमा व्यवस्था व्यवस्था गर्न बनेको विधेयक २०७५ दफावार छलफलको लागि सम्बन्धित समितिमा पठाइएको हो भन्ने उद्योग, पर्यटन, वन तथा वातावरण मंन्त्री राम नरेश रायले पेश गरेका प्रदेश २ को वन सम्बन्धमा व्यवस्था गर्न बनेको विधेयक २०७६ प्रदेश सभामा टेबल गरीयको छ ।