जनकपुरधाम, जेठ २६ गते ।
प्रदेश २ को नामाकरणमा विवाद रहेको बेला थारुहरुले प्रदेशको नाम थरुहट थारुवान राख्पर्ने मांग गरेका छन् ।
थारु कल्याणकारी सभा एवम् थरुहट थारुवान सँयुक्त सँघर्ष समितिले आइतवार प्रदेश प्रमुख रत्नेश्वरलाल कायस्थलाई प्रदेशको नाम थरुहट थारुवान राख्न मांग सहित ९ बुंदे ज्ञापन पत्र बुझाएको छ ।
समितिका महामन्त्री प्रेमीलाल प्रसाद चौधरीले बुझाएको ज्ञापन पत्रमा प्रदेशको सिमांकन पर्सा देखि झापा जिल्ला सम्मको भु भागसम्म गरिएको छ भने थारु भाषालाई सरकारी कामकाज र पठन पाठनको भाषाको रुपमा मान्यता दिनुपर्ने मांग गरिएको छ ।
त्यस्तै प्रदेशका विभिन्न अंग, निकाय तथा तहहरुमा थारुहरुलाई पचास प्रतिशत समानुपातिक समावेशी प्रतिनिधित्व गराउनुपर्ने समितिले मांग समेत गरेको छ ।
प्रदेश २ सरकारद्धारा प्रदेश निजामती सेवाको गठन, सँचालन र सेवाका शर्त सम्बन्धमा व्यवस्था गर्न बनेको बिधेयकमा आदिवासी थारुहरुको जनसँख्याका आधारमा प्रतिशत नछुटयाएको भन्दै गम्भीर आपत्ति समेत ज्ञापन मार्फत जनाएको छ ।
यो विषयमा आफ्नो प्रतिक्रिया दिनुहोस् !